南華傳媒資訊網   訂閱雜誌  e-Magazine
3週刊 Facebook 專頁
   會員名稱: 密碼:
一週娛聞 娛樂熱料 好姨講場 星光大道 名人專訪 環球片場 Lisa味道 Family Food JESSICA
Fashion & Beauty
 
3週刊   第 733 期 逾期

熱爆專題 熱爆專題 杜汶澤:萬二分尊重AV女優! 馬國明:我最欣賞蒼井空!

近日杜汶澤極速操肌拍攝電影《豪情2》,在片中飾演AV男優,與多名日本真正AV女優拍攝「動作場面」,令不少人再度留意被視為日本重要「產業」的成人電影行業。AV全名為Adult Video,顧名思義就是成人電影。日本AV業一向手執亞洲成人電影的龍頭位置,雖然其他亞洲國家都有拍成人電影,但始終不及日本的專業。隨住近年社會風氣開放,日本不少青春少艾甚至會主動走上AV事務所面試,希望走捷徑搵快錢。多年來日本AV曾捧紅過不少國際知名的AV女優,但隨住近年AV事務所改變策略,要拍AV成為亞洲知名巨星,幾乎已成為絕響。

就如早前馬國明在本刊訪問中說過,有邊個男人未上過網睇鹹片。的確,隨住科技進步,香港人由以往鬼鬼祟祟上樓買寫住「歡樂今宵」的鹹帶,到去信和買「四樓有四仔」的VCD,再到現在安坐家中上網慢慢揀,揀先下載的BT年代,AV影響香港人的生活習慣,絕不比兩個「是是但但電視台」遜色。

修身做男優

香港人熟悉AV,因此不時有電影會找日本知名的AV女優來港演出,增加吸引力。就像近日正在熱拍中的《豪情2》,貴為男主角,在片中將會一人大戰過百女優的杜汶澤,就率先效法張家輝瘋狂操肌,由圓咕碌的「肥佬」極速修身成有胸又有腹的型男,就是為了要做一個「有型又有款」的AV男優。

「為呢套戲,我每日要做一個鐘帶氧運動,一個星期要有三至四日去舉重,但講真只有三成係靠舉重同運動,淨低七成就要靠食,控制飲食先至係關鍵。每一日都要攝取足夠蛋白質,又要少食多餐,過晏晝就唔食澱粉質,重要戒絕油同糖,真係少心機都唔得,我重要同大家講,唔好相信任何秘方,只可以相信自己決心同紀律。」

尊重AV女優

對於杜汶澤初演AV男優,能夠與一眾AV女優「埋身肉搏」,叫不少男士都趨之若鶩羨慕不已,但當事人杜汶澤卻笑言是有苦自己知,「好多人都羨慕我同咁多AV 女優,好似香港人好熟悉夕樹舞子拍戲,但呢個真係一個好大同好嚴重誤會,真係有苦自己知呀就好似去食飯咁,有前菜但無主菜食,哈哈。喂,我又唔係拍四級片,齋做戲無過程,所以心理同生理都要有轉變,休息時間真係唔想再見到女人身材呀!不過好認真咁講,AV女優係絕對值得尊重,因為佢唔係大家想像中咁樣,鏡頭之後佢都係普通女仔一個,大家都有辛酸一面。之前有冇睇過AV?我話冇你都唔信啦,今次開機前都要睇好多AV,但就係研究AV係點拍,等自己可以更加投入。」

馬國明:「我最欣賞蒼井空!」

曾經在本刊訪問中直認上過鹹網的馬國明,就表示非常尊重這類型的演員,除了日本的AV女優外,對於港台的三級片女星,就更加佩服到五體投地。「我一直都好欣賞蒼井空,佢由一個AV女優,可以成功轉型做演員,做歌手,就連大陸都有市場,重要係正經發展種,真係好唔簡單;另外飯島愛都係我好欣賞女星,佢可以出書做才女,都係好唔簡單。其實唔淨止日本AV女優,港台好多拍三級片女星都好值得我地欣賞,好似葉玉卿、舒淇、李麗珍都一樣拍過三級片,都係好需要勇氣,都係好成功咁轉型。你叫我除衫拍戲我諗幾多錢我都冇本事去賺。」

AV女優興衰史

日本AV舉世知名,而這項「輕工業」始於80年代,由於當時家用錄影機開始普及,不少人都可以安坐家中享用電影錄影帶,因此拍攝成人電影亦應運而生。日本AV在日本反應理想,發展迅速,80年代中期開始流入香港,由於日本法例所限,所有AV都需要在男女重要部位打上馬賽克(俗稱「打格仔」),隨住香港電影實行三級制,這類被稱為「三仔」,而一些日本用作輸出外國售賣的AV則未有經過「打格仔」處理,所有場面原形畢露,被稱為「四仔」。

90年代興起鐳射影碟(LD),開始有大量日本原裝AV進口,令不少AV女優例如飯島愛、川島和津實、夕樹舞子人氣急升,加上當時有片商開始找日本AV女優來港演出,例如葉玉卿的《我為卿狂》就找來川上麗奈演出,令AV女優成為全港人人皆知的名詞。多年來日本AV女優演出就成為三級片綽頭,曾來港演出港產片的AV女優多不勝數,例如小澤圓、夕樹舞子、蒼井空、原紗央莉、周防雪子、吉明步等等。

日本AV以國內銷售為主,由於日本人不愛翻版的觀念甚重,因此影響不大,只是近年日本經濟不景氣,AV始終不是必需品,因此近年AV銷情亦受到影響,無復90年代高峰期之勇。

now成人台女主播Tess

「女人睇AV就係要學!」

成人電影一直都是以男性觀眾作為基本,但近年卻漸漸多了女性觀眾,令不少AV生產商甚至拍攝一些專供女性市場的AV。就像在now成人台擔任女主播的朱韻蓓(Tess),就直言從9歲就有睇AV的習慣,由好奇、鹹濕到現時借AV增加自己的性技巧知識,來滿足及留住男朋友的心。

「我第一次睇係9歲,當時見到爸爸成日鬼鬼祟祟去櫃後面拎錄影帶睇,有一日襯屋企冇人就去拎睇,就係咁上我人生第一堂性知識。之後我一直都有睇AV,初時就因為好奇,咁再大就有少少鹹濕咁啦,到依家都有同男朋友一齊睇,其實都係學習一自己性知識,有好多體位、花式真係要睇AV先識,始終女仔識多,要留住男朋友個心,都會容易啦。」

「我覺得近呢幾年女仔真係開放過男仔,你估淨係男人先有賽後檢討?女人一樣有,成班女仔girls talk內容一定比男人更加露骨、更加鹹濕。我身邊好多女朋友都有睇AV,大部分都係想學多性知識,大家呢個年齡都過睇AV自慰階段。人係需要令自己進步,工作要進步,性知識都要進步。

不過我要同各位男士講一聲,做愛如果舒服的話,一個姿勢到尾都可以好舒服,係唔舒服就算轉幾多次花款,床頭搞到床尾再上返床頭都係唔舒服,呢樣就唔好學足AV,以為越多花式越好喇!」

now成人台監製Mag 

「日本AV女優唔會再有超越巨星!」

自從80年代日本AV傳來香港之後,令香港不少男士趨之若鶩,個個都想有個AV女優做老婆,而日本AV女優亦成為不少男士們的「自慰女神」,只是據now成人台監製Mag就表示,雖然日本AV業界一直沒有大起大落,但近年業務的確有下滑情況出現,令AV片商開始改變策略,像蒼井空、吉明步這些國際知名的AV女優,或會成為AV界的絕響。

「日本一直都重視AV業,同埋日本人睇AV係要睇正版,因為佢覺得買一隻都要珍而重之咁收藏,即係好似香港有人儲波鞋、儲波衫、儲DVD一樣,只不過近年日本AV商開始改變策略,唔會再好似以前使好多錢去捧蒼井空、夕樹舞子、松島楓咁,依家個策略就係要快同新,佢只會揀新面孔同好身材女仔,拍幾套就再換新血,情願將捧女優錢改為以快打慢。所以近幾年已經再冇一個好似吉明步、蒼井空呢類咁紅AV女優出現。其實對AV迷講亦一樣,吉明步一套同十套AV分別唔會太大,但呢筆錢可以買十套唔同樣、唔同身材AV,佢要就係新鮮感。

AV女優片酬一向唔高,女新人多數都係幾萬日元,就算去到吉明步呢級數,都係收10萬日圓片酬,但佢其他地方就真係升價十倍,閒閒地都要100萬日圓;男優就更加差,最多都係一、兩萬日圓片酬,但有好多宅男唔收錢都會去拍,就係希望可以見到自己偶像一面,甚至可以有肌膚之親。」

經典女優逐個捉

發展近40年的日本AV業,多年來培育出不少知名的AV女優,當中有人成功衝出日本,成為國際級明星,但亦有人隨住年齡增長而年老色衰,黯然退出,亦有女優敵不過新人的衝擊,叫人唏噓不已。

吉明步

現年29歲的吉明步,是近年最受歡迎的AV女優之一,由於她樣子與歌手鄧麗欣相似,因此為香港觀眾認識。去年她受邀來港拍攝《蜜桃成熟時33D》,與老對手加藤鷹首次在AV以外合作。

小澤圓

現年35歲的小澤圓,96年在星探發掘下加入AV女優行列,由於樣貌清純而大受歡迎,當年她主演的AV不時大破銷售紀錄,有「AV界女皇」的稱號,她亦曾於98年來港演出《偷情男女》。

夕樹舞子

現年36歲的夕樹舞子,90年代中期出道後大受歡迎,而她亦是日本出名的「安全女優」,每次拍AV時都一定要對手用安全套。97年曾有片商邀請夕樹舞子來港宣傳成為一時熱話。

明日花綺羅

現年25歲的明日花綺羅,是日本AV片商最後肯出錢力捧及打造的AV女優,由於明日花綺羅擁有天使面孔及魔鬼身材,因此很快就成為新一代AV女神,不過早前她已宣佈退出AV界,傷盡不少fans的心。

川上麗奈

與飯島愛同期的村上麗奈,在日本AV界有一定知名度,她亦是首位來香港演出三級片的日本AV女星,其後她更在香港拍了多套三級片,是香港最多本土作品的日本AV女優。

波多野結衣

因為樣貌似林志玲而大受台灣AV迷歡迎的波多野結衣,近年不時到台灣宣傳及發展,亦不時出席成人展覽。早前她更被日本AV男優公投「最靚陰部AV女優」第四名。

蒼井空

蒼井空絕對最成功的日本AV女優。02年以寫真女星出道,03年開始進軍AV,由於擁有豐滿的上圍,被稱為「童顏巨乳」。她亦是少數能一邊拍AV,一邊可以亮相日本綜藝節目的AV女優。10年蒼井空開設微博,深受國內觀眾歡迎,被尊稱為「蒼井老師」,09年參演與麥浚龍合作《復仇者之死》更曾傳出緋聞。

飯島愛

92年只有20歲的飯島愛成為AV女優後即有「T Back女王」之稱,當時AV行業正值高峰期,令飯島愛人氣急升,成為最受歡迎的AV女優。2000年飯島愛轉型做藝人,發展滿意。同期推出半自傳性的小說《柏拉圖式性愛》大受歡迎。2008年12月24日,飯島愛被發現陳屍於東京都澀谷區櫻丘町的家中,經確認死於肺炎,終年36歲。

麻美由真

現年26歲的麻美由真,05年出道後短短一年,就獲得由18間AV製作公司聯頒的「最優秀女優賞」,是近年人氣最盛的AV女優之一。本年6月麻美由真證實罹患卵巢腫瘤,最後需要切除子宮及卵巢,現正處於療養中。

(詳細內容,請訂閱 e-Magazine

 

   3週刊   第 733 期   更多精彩內容
封面故事: 失免費牌藝人怒吼 玄學家預測王維基反勝明年開台
電視,本是一個娛樂大眾的途徑,那想到因為發牌一事弄至天怒人怨,引來12萬人上街,力撐沒有獲得發牌的「香港電視網絡」。自從三年多前政府有意再發新免費電視牌 ...........
城中熱爆: 老婆懷孕冇理過 話個女係一塊 陳奕迅向徐濠縈認錯:我虧欠她
樂壇神級歌手陳奕迅(Eason),一直有大批粉絲支持,出道至今被視為歌神張學友的接班人,但Eason風光背後,卻原來飽受無窮壓力,更因而做出不少怪異及外人難以理 ...........
熱辣娛聞: 數碼電台炒魷 約滿TVB 吳綺莉斷糧 慳養卓林
吳綺莉自從被商台炒魷後便轉職到數碼電台,由於她在TVB已無工開一段時間,而電台工作月薪只有4萬,對要供樓供車供小卓林讀國際學校的她來說,只能勉強維持生活。 ...........
熱辣娛聞: 公司撐撼徐子珊黎耀祥 鍾嘉欣馬明視后視帝冇得輸
無《萬千星輝頒獎典禮》將於12月16日舉行,而每年的視帝視后寶座花落誰家,亦成為全城焦點。去年無順從民意玩普選,令黎耀祥眾望所歸第三度贏得視帝,而楊怡亦終於開 ...........
熱辣娛聞: 露肉晒肌惹桃色事件 娜姐趙勁皓被富商撩包養
往年書展係一眾模人肉戰場,今年就俾娜姐師弟顧又銘、何浩文及趙勁皓(King)三位肌男搶盡風頭!不過由於雄風太露,早前King與同門師兄喇英為電影《爆3俏嬌娃》到大 ...........
熱爆專題: 熱爆專題 杜汶澤:萬二分尊重AV女優! 馬國明:我最欣賞蒼井空! 
近日杜汶澤極速操肌拍攝電影《豪情2》,在片中飾演AV男優,與多名日本真正AV女優拍攝「動作場面」,令不少人再度留意被視為日本重要「產業」的成人電影行業。AV全名 ...........

免費頻道



 
關於我們 | 私隱聲明 | 豁免條款 | 聯絡我們 | 職位空缺
Copyright © 2019 South China Media Limited All Rights Reserved 版權所有 不得轉載