女子組合Super Girls成員李靜儀（Heidi）繼拍電影《微交少女》之後，早前入選無線劇集《女人俱樂部》，飾演李若彤的「巴喳」女兒黃河，再次扮演「曳曳」學生妹。由於演戲對身為歌手的Heidi有點吃力，當中試過有場拍喊戲的場口，她累到無法谷出眼淚，最後要出動「媽咪」李若彤出馬「教訓」她才順利過關，事後Heidi直言：「佢真係鬧到我想喊！」

白花油唔收貨

最近無線播出劇集《女人俱樂部》中，除了7位年輕版M club少女最為引起網友熱話之外，當中飾演李若彤女兒的Heidi亦備受注目。雖然她無緣與7位「年輕版M club」做對手，但她卻是唯一一位有機會與「大人」做對手，難怪身為演戲初哥的她會格外緊張。她直說：「最難忘有場喊戲，不過當時我已經到喊唔出，之後試過用白花油，但導演話太假唔收貨，之後要媽咪（李若彤）真係用重語氣話我，先可以帶返我情緒入戲，我知其實佢同旦哥（鄭丹瑞）都好錫我。」

劇中Heidi飾演一個經常「頂撞」媽咪的「衰女」黃河，而早前她拍電影《微交少女》時，同樣飾演反叛少女。戲中Heidi要食煙飲酒講粗口，還要索K，為了學食煙，她不惜在家狂煲煙，她說：「本身諗住放煙炮算啦！但朋友話咁好假，所以屋企不停練習抽煙，呢套戲對我講係好大挑戰，好似回到反叛時期咁！」

「富二代」熱戀中

事實上，Heidi可能正在熱戀中，故「喊唔出」。最近有傳她與「富二代」監製兼吳雨霏（Kary）好友Gareth Chan秘密約會四個月，更在網上「洩蜜」，齊穿火紅色情侶鞋。對於戀情曝光，Heidi只說：「不會特別說是，也不會說不是。」她並以朋友來形容與Gareth關係，問到對方是否力追她？李靜儀以「不知」回應，但大方承認曾單獨約會。

（詳細內容，請訂閱 e-Magazine）