真係唔到好姨唔唉聲嘆氣，近年已經有唔少樂壇巨人要榮休，最近就輪到殿堂級歌手肥媽要榮休，早前仲紅館舉行告別演唱會，好姨一直都係肥媽粉絲，所以點都要去捧肥媽場喇。

肥媽開告別騷，當晚嘉賓當然星光熠熠，包括草蜢、巫啟賢、阮兆祥、盧海鵬、羅敏莊及黑妹等。而肥媽唱到金曲《媽媽I Love You》時，更數度感觸落淚，場面非常感動。身為肥媽契仔陸浩明，又點少得佢上台同阿媽同台表演，肥媽仲台上打個仔屁股，仲笑佢件西裝似紅白藍袋，呢個騷真係笑中有淚。肥媽台上同大家分享佢咁多年娛樂圈經歷，又提到過去拍過唔少電影，呢個時候，大銀幕隨即播出佢演過電影片段，睇到肥媽電影《合家歡》以低胸裝示人，肥媽即刻搞笑話：「我時好索，著Deep V，個胸由頭到尾都係真。」跟住又提到佢《大丈夫》入面，分別同曾志偉父子咀嘴：「志偉個嘴就『鞋』，而佢個仔就幼滑，後生即係後生。」

當晚仲有阮兆祥扮肥媽上台，仲話同肥媽係孖妹組合，跟住仲以「肥媽初戀情人」介紹盧海鵬出場，真係有當年《歡樂今宵》咁好笑。

（詳細內容，請訂閱 e-Magazine）