南華傳媒資訊網   訂閱雜誌  e-Magazine
3週刊 Facebook 專頁
   會員名稱: 密碼:
一週娛聞 娛樂熱料 好姨講場 星光大道 名人專訪 環球片場 Lisa味道 Family Food JESSICA
Fashion & Beauty
 
3週刊   第 860 期 逾期

留星語 莊思明 心堣敿O

協力統籌:Michelle 撰文: 張瑞瑜 攝影: 林漢基 美術: 美術組 場地提供:Le Port Parfume

青春期,日記寫著的都是豆芽夢;人大了,遇到的問題及情感變得複雜,總提不起勁寫出內心感受,文字卻化成了影像,印在心坎中。

莊思明,挾著2010年港姐季軍的名銜加入娛圈,父親是身家以億萬計的大馬拿督莊寶,有錢有名又有娟好外型,本就是迷途又缺乏天賦的女子的羨慕對象,她仍有不滯與低落時期,鑑於身份,比一眾平民更難宣之於口,「家家有本難唸的經,如果我真係可以唔使做的話,我真係唔會做。」

莊思明為家中孻女,大家姐莊思敏、哥哥及早兩分鐘出世的孖生姐姐莊思華也公認她為媽媽最寵愛的女兒,她卻在嚴苛教育環境中長大,沒零用,沒有甚麼要風得風,沒有加入家族生意分一杯;她父母在圈中人脈之廣博,外界難以想像,她也從未尋求前輩們的協助,讓其星途變得璀璨,「我未去到個位,求人俾個機會我都難為人啦。」

莊思明,高貴而不冷傲,看似得天獨厚的背景,原來也有不能觸碰的低點。

莊思明,被外界評為富家女,普遍認為她唔憂做,靠選美圓明星夢,原來當年卻是母親眼見她大學畢業後百無聊賴虛度光陰,與長女莊思敏聯袂替她遞報名表的結果,「我當時真係好嬲,不過大家姐用激將法,話我驚輸,所以我先去。」莊思明直認由面試至參選初期也不太樂意,「其他女仔一圍埋就傾偈,講點解參選,係得我一個零表情坐埋一邊,直至後期我先開始enjoy個過程。」

愛回家

莊思明外表冷酷,其實說話真率、平易近人,「我個樣係寸寸,好在珍姐(無高層曾勵珍)搵我拍《愛.回家》,令我好快入到屋,加上呢個係處境喜劇,每個人都可以有發揮機會,令觀眾有機會認識我。」《愛.回家》得到名與利,遠不及莊思明獲得的友誼,每天定時工作,讓她與劇組人員建立了深厚情誼,縱使劇集曲終人散,但眾人的友情絲毫無損,「我會定時定候出食飯見面,如果佢知我唔開心,係會輪流每日打慰問我,直到確定我心情好轉番,呢種關心唔係一般send句訊息就算,所以我入行最開心係識到一班好好朋友。」

有錢人

《愛.回家》中莊思明飾演的向晴,思想單純易滿足,嫁了個富家子兼早婚生子,莊思明形容為幸福圓滿的結局,「我都好想似佢,個個都錫佢,好易開心。」身為大馬拿督莊寶幼女的莊思明,家境富裕,有樣有身材有學歷,又何嘗不是眾人羨慕的對象?

「其實我一入行到家都覺得外界對我屋企個背景有好多誤解,我唔會話自己屋企好有錢,當然我知道我比好多人都幸福,但我自己角度,我屋企有錢唔代表我唔使做嘛,我都要養活我自己;屋企有錢唔一定會留俾我,同埋,家家有本難唸的經,唔通成日屋企出講咩?我有唔去解釋,就係唔想人覺得我好似度扮晒咁!如果我係純綷賺錢買花戴,我諗我唔需要做呢行囉,我求其出去打份工,我諗我搵錢分分鐘多過呢度,起碼都穩定。做呢行所有都好飄忽,好多都預算唔到!我曾經同好多人講過,如果我真係咁有錢,真係可以唔使做,我真係唔做,我咁鍾意小動物、小朋友,咪開間寵物店或者教育中心囉。」

莊思明父親莊寶既是大馬拿督又是「明輝發展」創辦人兼前主席,大可繼承父業安享其成,莊思明卻說:「大學畢業之後,其實都返過公司兩個禮拜度,不過我媽咪頂我唔順,因為我同佢性格工作上好唔夾,佢就叫我自己出去搵鍾意做,跟住孖生家姐思華就入公司做,一路做到家;第時有冇家產分,我真係冇所謂,我好細個已經同佢講,如果將來有咩事,我唔想因為錢同佢嘈,鍾意就埋去啦,我唔鍾意煩,唔想因為一死帶唔走而去煩!」

自小住半山豪宅的莊思明,讀書時候的零用錢只得搭車錢,午餐不是帶飯就是吃杯麵,想買心頭好咩?母親說:自己諗辦法搵錢!「到我讀大學陣,戶口都係得二百幾蚊,係有時大家姐會介紹model job俾我搵下錢咋。」

陳達志

莊思明說,其母對於大家姐莊思敏十多歲擔任model極為不滿,反感到幾乎要脫離母女關係,不過後來卻非常鼓勵她和孖生姊姊莊思華入娛圈。事實上,早在2004年,莊思明便與兩姊一同加盟人稱「Ba叔」的陳達志公司旗下,首項工作便是擔任許冠傑巡迴演唱會的Sam’s Angels。

「我記得我識Ba叔係田啟文婚禮上,當時佢見到我同思華,覺得孖女好得意,就主動問我媽咪我鍾唔鍾意唱歌、拍戲,後來傾埋細節就簽約,許冠傑咁多場巡唱,除香港站,都係我做嘉賓,中間都有做過許志安多倫多巡唱嘉賓,仲錄隻唱片,由許冠傑親自監製,我翻唱佢歌,不過後來Ba叔公司有官司,佢為免影響我,就同我無條件解約,所以佢其實係一個好人、一個好好老闆。」

2006年,驕陽電影前fit人徐小明開拍電影《雙子神偷》,又主動致電莊母問可否借用一對孖女,「當時媽咪傾好晒先話我知,我套戲入面要打,飾演一對奸孖女,然後我同思華就好快要上大陸特訓,每日朝9晚6學功夫,學足兩個月先拍,係好辛苦,開頭唔識就力搞到周身瘀晒,驚媽咪擔心,又要匿埋廁所喊,但係呢個係一個好好經驗,起碼令我學識吊威,克服畏高。」

公仔箱中斯文寡言的OL,實情是可塑性極高、深怕被定型的藝人。

後記:我的志願

莊思明自小的志願,既非當明星,又非當空姐,而是希望25歲前結婚生仔做個賢妻良母,不過隨著時間流逝,今年29歲的她坦言沒期望,縱使與陳慧琳胞弟陳司翰自2011年被爆拍拖、分手又復合,她仍隻字不提,「呢段時間我唔係好想講佢,人覺得我幸福,所以我咪話家家有本難唸的經囉!好多時你睇到人表面好幸福,但係可能人內有好多問題自己每一日都諗緊點樣去解決呢問題,而你又冇可能將私人每一次都同人講,家呢個社會冇人想知你有咩問題,冇人想幫你解決喇,只會當睇電視劇咋。」

 

   3週刊   第 860 期   更多精彩內容
衫品味
Harrylam 時尚造型師及美術指導。工作範疇包括藝人、品牌廣告及雜誌封面。合作藝人有甄子丹、周秀娜、周柏豪、倪妮、湯唯等。 相信有品味的造型及培養個人風格比追 ...........
留星語: 莊思明 心堣敿O
協力統籌:Michelle 撰文: 張瑞瑜 攝影: 林漢基 美術: 美術組 場地提供:Le Port Parfume 青春期,日記寫著的都是豆芽夢;人大了,遇到的問題及情感變得 ...........
Chok爆男女: 顏子菲 亞姐無限loop 
協力統籌:Michelle 撰文:王思明 攝影: 林漢基 髮型:Van Chan @ BruneBlonde Grand Hyatt 場地:URA Japanese Delicacy 服裝:Walter Ma 每個年代,總 ...........

免費頻道



 
關於我們 | 私隱聲明 | 豁免條款 | 聯絡我們 | 職位空缺
Copyright © 2018 South China Media Limited All Rights Reserved 版權所有 不得轉載