播3年幾《愛．回家》，在今年7月初，以全新面貌上陣，仲換上張繼聰、黃翠如等人，可惜唔知邊位「高智商」人士獻計，明明係另一齣劇及另一班演員，但就繼續用番《愛．回家》個劇名，變相令觀眾有得比較，睇馬家幾年，已經先入為主，直頭一家人咁，又點會睇得慣翠如BB，收視屢創新低，近日仲傳出會腰斬添。

但原來真相係張繼聰同黃翠如，會逐漸淡出，離開前佢兩公婆仲會打官司添，而剩下爛攤子，就留番俾其他演員硬食。不過日前有網民發起腰斬《愛．回家》網上投票，竟然有唔少人話要繼續保留，千祈唔好停播，佢理據係「俾班編劇繼續留《愛．回家》，唔好荼毒其他劇」、「每日最大娛樂，就係睇該劇被網民插到體無完膚」，仲有網民話「從未睇過，腰唔腰斬都冇所謂」，見到網民意見，相信無高層會有一個明智決定。

（詳細內容，請訂閱 e-Magazine）