南華傳媒資訊網   訂閱雜誌  e-Magazine
3週刊 Facebook 專頁
   會員名稱: 密碼:
一週娛聞 娛樂熱料 好姨講場 星光大道 名人專訪 環球片場 Lisa味道 Family Food JESSICA
Fashion & Beauty
 
3週刊   第 833 期 逾期

視好視壞 太極高手玩謝亞視

楊紹鴻

資深電視製作人,業餘填詞人,加入娛樂圈達三十多年,曾在中、港、台三地工作,參與過製作的電視劇超過三千集,過去亦製作過不少演唱會及舞台劇,合作過的紅星藝人無數!

最近關於亞視賣盤一事搞到滿城風語,不過亞視笑話已經一都唔好笑,皆因狼來了的故事出現次數太多,而且七國咁亂,就好似亞視個經理人,黎嘉恩之前記者會度宣布,亞視已經有新買家,部份股權轉讓亦都已經完成,仲好理直氣壯話有關轉讓唔需要得到通訊局審批,當時我睇完果段新聞之後,都覺得好笑,應該又有好戲睇。

終於不到一個星期,商務及經濟發展局局長蘇錦樑就話,唔理解有關說法,認為唔符合牌照條款,跟住德勤就馬上發聲明澄清,指黎嘉恩當日所講係「完成股權轉讓」,意思係話股權轉讓合同下,買家已傾完成支付責任,而股權轉讓仍然須待通訊局批准,並未完成。

聲明提到,即使通訊局不批准,有關轉讓仍然可以亞視免費電視牌照到期後完成,屆時就唔需要通訊局批准;過去種種風,吹來吹去,之後仲俾報紙踢爆,原來新股東係中國文化傳媒,其母公司係山東中金集團,集團董事長司榮彬內地仲曾經有過一涉案紀錄,然後又話佢公司註冊地址係平民區添,觀眾已經對亞視冇晒信心,再加埋原來新投資者又係紅色資金,立即灑手兼擰頭!

自問我係飲亞視水大,當然唔希望佢變成咁,曾經有舊同事鬧我,話我忘本,話冇亞視我冇今日,我絕對同意,冇亞視我絕對冇今日,我同位同事講,請佢轉達俾鬧我同事聽,請佢地唔好忘記,我離開亞視已經差不多十年,我要感激只有林百欣同余統浩,過去眼見亞視由盛變衰,原因何在,相信大家有目共睹,去到王征年代,我諗不論過去或當時員工,都無不講一個「X」字,而且當時已進入一個「冇皇管」時代,記得當年我曾經提議佢做一個訪問粵劇名伶節目,陣佢都話內容好好,冇問題。

於是我託朋友聯絡女姐紅線女,聲哥林家聲等十多位老倌,而且佢(一眾名伶)都已經答應,但係隔一段時間都冇反應(亞視高層),我再追問,跟住話俾我聽冇錢;最後我就搵埋廣告商俾佢(亞視高層),仲達成口頭協議,我作為一個介紹人,之後當然由佢自己跟進細節,點知又隔一段時間,朋友問我究竟亞視係咪路?都冇人聯絡我,我聽到後真係火都埋,我同佢最高位領導人講,佢回覆話,好,我會責難佢。

結果,當然今日女姐同聲哥都相繼離世,但係都冇開拍到!王先生固然令人咬牙切齒,但係後面有一班無能高層,淨係識幫佢做埋一唔應該電視人做事,終於令到亞視僅餘形象直插谷底,呢班人確實係責無旁貸!記得有好幾個朋友都問我,你之前唔係同位高層好好朋友咩?你勸下佢啦,佢好等錢使咩?點解俾人話係狗都仲要做?我話我唔知喎,人各有志,呢種朋友我亦高攀不上!

 

   3週刊   第 833 期   更多精彩內容
講戲dot com: 《燈塔下的戀人》澳門愛情故事 
將登場的幾部華語電影均不約而同帶著某些作者情懷,而首先在銀幕跟觀眾見面的是梁德森(Sam)編導的《燈塔下的戀人》。 Sam 是在澳門出生,之後留學日本主修電影 ...........
講戲dot com: 《華麗上班族》
未看此片前巳有兩個清晰的賣點令人不可不看的理由,第一是張艾嘉、林奕華同名舞台劇改編的電影版;第二是杜琪、張艾嘉、周潤發三人繼《亞郎的故事》後再度重逢之作 ...........
講戲dot com: 永遠的愛麗絲 
這部片除了要欣賞影后茱莉安摩亞精湛演技外,最重要的是參透戲中的道理。筆者認為這個故事有兩層寓意,一方面是茱莉安摩亞飾演的名成利就教授忽然患上腦退化症; ...........
環球影城: 《滾蛋吧!Mr.Tumor》抗癌鬥士 
人生充滿無數挫折,失戀、失業,甚至只是被家人、老闆責罵幾句,不少人也會怨天尤人,將自己當成悲劇的男女主角,其實跟生命倒數比較,生活上的偶然不愉快,即時變得 ...........
環球影城: 《見習冇限耆》老馬有火 
退休生活是否一定就是無所事事,到公園捉棋,在家中煲劇,等待死神的降臨?電影《見習冇限耆》就是講述一名年過70的退休老人,發覺退休後悶到爆,決定重投職場, ...........
煲劇介紹: 《張保仔》再玩穿越劇
自從《步步驚心》後,中港也拍了不少穿越劇,好像之前馬國明主演的《回到三國》,收視也不錯。TVB將播出的新劇《張保仔》,由陳凱琳第一次擔正女一,洪永城亦做主 ...........
視好視壞: 太極高手玩謝亞視
楊紹鴻 資深電視製作人,業餘填詞人,加入娛樂圈達三十多年,曾在中、港、台三地工作,參與過製作的電視劇超過三千集,過去亦製作過不少演唱會及舞台劇,合作過 ...........
音樂荃情: 香港樂壇末路?
Amy 譚嘉荃 前跳唱組合B2成員,於港、台發行廣東及國語專輯。及後於TVB及道教台《道通天地》擔任主持及撰稿等工作。寫過書,當過電視及電影幕後工作;現為新城數碼 ...........
洋洋自得: 歌手生存之道
漢洋 新秀歌唱比賽出身,曾於港、台發行廣東及國語專輯,最為人熟悉的成名歌曲為與小雪合唱的<其實我介意>;繼而成立自由行娛樂公司,致力各娛樂事業如唱片、電 ...........

免費頻道



 
關於我們 | 私隱聲明 | 豁免條款 | 聯絡我們 | 職位空缺
Copyright © 2018 South China Media Limited All Rights Reserved 版權所有 不得轉載