西式大閘蟹菜的確另類有新意，無論如何值得一嘗。試完西式，回到傳統中式，其實家家都主打原隻紫蘇蒸再加些蟹粉做的菜式，但焦點的紫粵軒，卻提供五式煮法。

任食殘廢膏瘋會

其實上年紫粵軒大搞大閘蟹菜單已經令人留下極深刻印象，因為很多蟹迷食大閘蟹是不會一隻起兩隻止的，更多是一次狂拆六、七隻才肯罷休，甚至鬥多，但出去食逐隻計，條數好襟計，所以寧願買一籮歸家幾個朋友一齊開大閘蟹派對。

有見及此，紫粵軒就來個「大閘蟹膏瘋會」，以任食大閘蟹做招徠，無論食幾多隻，都係一個收費，蟹來自江蘇太湖，每隻保證四至五重，童叟無欺，已經夠晒吸引，而食法還有五款選擇，包括冰鎮黃酒大閘蟹、釀焗大閘蟹蓋、菊花蒸大閘蟹、薰衣草蒸大閘蟹，以及風沙大閘蟹，每位每次可選兩隻不同口味，食完唔夠可再叫，唔識拆蟹亦唔緊要，今年新增設拆蟹師，每隻只需加 5 元，就有專人來到餐桌前幫手拆蟹，清除埋唔食得的胃、腸、鰓、心等內臟，再分埋件，如此服務，真係佩服幕後人諗得到。

成個「大閘蟹膏瘋會」餐，會連同一道前菜鴛鴦蟹粉流沙丸，如果都唔夠皮，加一蚊，就可送埋燕窩蟹粉海皇羹一客，以蟹粉、菜芯絲、鮮拆蟹肉熬煮而成，再放上越南燕窩一，充滿蟹粉及蟹肉滋味兼矜貴。

怕太瘋狂只想淺嘗又如何？另有散點的大閘蟹菜式如蟹粉脆鍋巴、蟹粉扒豆腐、翡翠蟹粉炒海斑球等選擇，已經諗唔到有乜好挑剔，難怪一推出即反應熱烈，據知已有幾千人預訂，食唔食到，講彩數。

紫粵軒

地址：將軍澳唐德街 3 號 2 樓 （港鐵將軍澳站C出口）

電話：3983 0688

任食大閘蟹膏瘋會：（週一至四）成人$398；（週五至日及公眾假期）成人$428、小童$208



一人享四隻半蟹精華

如果「大閘蟹膏瘋會」太多人食唔到，點算好？到了蟹季，全城都是蟹，不愁無蟹食，食法當然間間各異，逸東軒雖然沒有任食任拆服務，每位收費 588 元的黃金大閘蟹宴，其實都好有睇頭。

逸東軒黃金大閘蟹宴由追月日開始起一直供應至 11 月 30 日，每位均用足四隻半四大閘蟹來做，焦點所在是每位都有三隻原隻清蒸太湖蟹，餘下一隻半則會鮮拆，利用蟹粉及蟹肉以薑粒、蒜蓉、紹酒、麻油及胡椒同煮，製成各款蟹粉菜式，包括三款開胃前菜太白醉雞卷、馳名的明爐燒腩肉及生拆蟹粉小籠包，然後是清潤可口的蟹粉冬茸燴燕窩，再來是主廚的得意名菜鮮沙薑陳皮生煎雞，清甜爽口的番茄肉碎浸時蔬及薈聚中西日精髓的黑松露蟹粉稻庭烏冬，最後是驅寒美味的薑茶湯圓。以收費論高低，紫粵軒是較經濟，但重點是狂拆蟹，逸東軒提供的選擇是綜合了其他主廚名菜，較適合淺嘗幾隻已夠皮，寧願留胃納品嘗其他菜式的半癡蟹迷。

除了套餐，還有多款散點菜，包括蟹粉冬茸燴燕窩，蟹粉冬茸本為正宗上海菜式，主廚加入燕窩令其更為矜貴；蟹影冬瑤蟠龍蝦球可說是冬瓜蟹粉配的另一菜式；蟹影竹林燕窩以矜貴的燕窩釀入爽口的竹笙間，再用上湯煨煮入味，簡單地淋上蟹粉芡汁，入口清新之餘，造型亦非常別緻。另有生拆蟹粉小籠包、蟹粉福袋山珍菌、玉帶蟹影千紅及蟹粉扒煎豆腐等。

逸東軒（灣仔）

地址：灣仔港灣道 23 號鷹君中心二樓

電話：2878 1212

逸東軒（佐敦）

地址：彌敦道 380 號香港逸東酒店低層二樓

電話：2710 1093

黃金大閘蟹宴：$588/位（兩位起）