一年一度的慈善盛會《星光熠熠耀保良》於26日晚於紅館舉行，蔡卓妍（阿Sa）與鍾欣潼（阿嬌）難得以Twins身分擔任表演嘉賓，簡直有如預演年底舉行出道15周年演唱會。當晚Twins獻唱八分鐘長串燒歌，阿Sa表現認真唔錯，一都唔似經歷過情傷。不過阿嬌就多次甩嘴又甩舞步，好似有少少不在狀態。不過原來真正原因係，阿嬌對鞋太鬆，再加上排舞時間又唔夠，所以有甩漏。

講到年底Twins出道15周年演唱會，阿Sa話最近忙於開會討論舞台、音樂編排等問題。阿嬌為演唱會順利進行，自己專登走去根治多年病痛，大晒身上因刮痧而浮現瘀傷。阿嬌話唔知幾時先會康復，因為傷得好深。而阿Sa最近就狂做運動，以令肌肉更加結實，為演唱會做好準備。

而Chilam當晚慶功宴上，展示贊助商提供過百萬名錶，仲同好姨講，Chilam自己都睇中一款六位數字手錶，仲打算送俾太太袁詠儀（靚靚）。不過Chilam就話，都仲諗緊到底用咩理由送隻貴錶俾靚靚。好姨就認為，係女人都鍾意收靚，仲要係一隻貴價靚錶，仲使乜搵藉口。