|
眾所周知，鄭伊健乃係一名大細路，平時最鍾意玩呢樣玩樣，又鍾意打機，最近仲獲得騰訊遊戲垂青，重金邀請成為「熱血傳奇手機版」獨家代言人。遊戲仲會以佢個人型像做標誌，對於甚有打機心得伊健而言，今次真係開正佢瓣。伊健仲話，原來佢曾經有計劃親自設計遊戲程式，不過佢就話自己思想比人行得太快，所以暫時未有人真正了解佢創意喎。
早前伊健為遊戲拍攝宣傳海報，為配合遊戲主題，共有三個不同造型，分別係青春牛仔裝、型格皮褸裝，同埋紳士西裝。伊健自己就比較鍾意皮褸裝，因為係代表燦爛拼博期，正好係佢現在心態，而牛仔裝呢，就似係初出芧蘆小伙子，西裝就係成功人士同王者感覺。而好姨就覺得，點解伊健咁鍾意皮褸裝原因，就係因為皮褸最似古惑仔，即係佢代表作囉。
|
