|
無劇集，去去都係幾條公式，而且最喜歡拍攝紀律部隊，由警察、消防員、飛虎隊、懲教署都俾佢拍到爛，至於另一個最常見到拍攝題材，就係關於傷殘人士劇集，播完《陪著你走》，胡杏兒就係飾演失明少女，而佢好姊妹胡定欣，就另一齣劇集《拳王》中，飾演聾啞女拳手，網民仲大讚杏兒演技出色，佢先後扮過盲人、弱智及癡肥女仔，全部都演得入木三分。
有網民就話既然無成日拍傷殘人士劇，不如開拍一齣講性無能病人，仲諗埋劇名叫做《無能為力》，女主角就要搵樣靚身材正花旦，咁男主角咪大把內心戲可以演囉，點知轉頭已有心水清網民踢爆，話郭晉安擔正《忠奸人》，安仔咪飾演下半身冇晒知覺律師，同田蕊妮結婚時仲要係不能人道添，而《師奶Madam》中曹永廉，亦因為工作壓力而「叔叔不行了」，睇要搵新題材唔容易喎。
|
