記憶中旺角花月庭以往的聖誕自助餐都十分落本，原隻龍蝦、生蠔、佛跳牆等重本食材都傾巢而出， 雞髀打人牙骹軟，令人無法拒絕，因為條橋 work ，今年龍蝦、即開生蠔等繼續登場，另外再加碼。

傳統菜新做法

據可愛公關介紹，今年花月庭會以 12 首歡樂聖誕歌曲融入自助晚餐中……其實最實際就只係睇有乜食，除上述幾項招牌，就是大量肉材肉扒，幾乎是為大胃王而設的菜式，包括焗威靈頓鵝肝牛柳、富貴火雞釀八寶、焗香草羊髀、法式焗龍蝦米多、黑松露大蝦慕絲釀皇后蟹鉗等，單係頭三款每款食一份應該已經飽到喊，如此安排真係令人愛恨交織，一方面樣樣想食，一方面又驚飽到食唔晒。

一般威靈頓鵝肝牛柳製作複雜，需時一日才能完成，花月庭大廚棄用傳統一塊巨型牛柳的製作方法，避免長時間焗製令肉質變得粗硬，因此選用三條美國 Tenderloin 特級牛柳，為牛裡最軟嫩一部分製成，並以香草、欖油、黑椒調味，焗出來更鮮嫩及有彈性。切開金黃色的酥皮，牛柳外圍有一層鵝肝醬，再加一層 Parma ham 薄片……十分邪惡的處理方法，怎不能令人不想將其消滅？

而富貴火雞釀八寶亦一改傳統做法，以鹹蛋黃、栗子、冬菇粒、叉燒粒、瑤柱粒、蓮子、百合、松茸、薏米及糯米飯為餡料釀入去骨的火雞，來個中西合璧，再以荷葉、麵包皮逐層包裹著火雞用高溫攝氏 200 度燒烤 4 至 5 小時，讓糯米飯在燒烤過程中吸收火雞及八寶精華，配以金巴利汁或燒汁更滋味。而焗羊髀這道傳統聖誕必食則以黑椒、海鹽及迷迭香調味，可配多種不同醬汁……食完這三大重點，還可以吃得下金箔香焗法國田螺撻、蟹肉三色芝士星、金箔煙三文魚鴨肝卷、金箔龍蝦雪球等、菠菜薯蓉撻……等嗎？

花月庭

地址：太子道西 193 號帝京酒店 2 樓

電話：2622 6154

日期：12 月 24-26 日、31 日及 2016 年 1 月 1 日

收費：自助午餐由 $308（成人）/　$268（小童）起；自助晚餐由 $468（成人）/ $318 （小童）起