Harrylam

時尚造型師及美術指導。工作範疇包括藝人、品牌廣告及雜誌封面。合作藝人有甄子丹、周秀娜、周柏豪、倪妮、湯唯等。 相信有品味的造型及培養個人風格比追逐潮流更重要。

Instagram：harrylam ； Email：info@harrylamland.com

有時候，當你或妳著套好靚衫時，影相時擺pose錯，令致整件事非常跌Watt，弊在事後先知出現呢咁問題，救唔番，所以真係要平日練多。今期千嬅做個好榜樣俾大家參考！

楊千嬅

千嬅今次造型著得非常有型，基本上無咩需要改善。條子加高腰造型係視覺上升高個人。另外要讚佢企法並非選美手pose，佢雙手插袋，重心擺一邊，facial expression表現自信及自然，整體造型完整度超高。

馬詩慧

一如既往Janet著衫都好少失手，條裙腰上details有收腰效果，對鞋又襯得好睇，加上佢model出身，擺pose影相對佢講當然難佢唔到。

黃佩霞

同樣model出身佢，當然fashion同pose上都處理得好好。佢個大扣腰帶絕對係亮點。不過，大家需要注意係個belt同個人整體比例。

姚嘉妮

我覺得如果條裙下半身係實色會好好多，家感覺有露多。

朱慧敏

條裙本身都幾好睇，不過如果將件top改入膊而見到鎖骨會好。

江美儀

不嬲都欣賞佢個人氣質，而個人氣質可以由佢著衫反映出。今次條裙好襯佢。唯一我認為如果條裙入面塊厘士，如果可以長話會再靚又高貴。

李玟

對鞋同條belt唔襯，同埋對鞋太高，令佢隻腳顯得短，建議唔好用麂皮物料出席events，因為佢唔反光，影相時會失去details效果冇咁靚。

莊思敏

佢呢個造型，我會以為佢係拍緊劇，途中經過去支持東華。不過如果唔係話，我會覺得佢著得太似一個OL喇。