柴九金句「人生有幾多個十年」,祥仔都係因為等到《巾幗梟雄》柴九一角,先至正式上位彈起,但有時同人唔同命,憑《巾幗2》非凡哥一角,贏得2010年台慶頒獎禮「最佳男配角」麥包,幾年都係得個做字,本來一直做配角麥包,在新劇《親親我好媽》終於等到做男一,點知最後又係食詐糊,真係心都淡埋。
麥包冇得做男一已經難受,後尾知道頂替佢係同樣《閃電傳真機》出身黃智賢,感覺就更加難受,雖然佢都係好戲之人,但麥包形象主攻溫情劇,而黃智賢就拍開警匪同專業人士劇,兩位演員完全唔同類型,而聽講今次有呢個變動,又係因為高層權力鬥爭,咁麥包咪變犧牲品囉,唔少網民都戥麥包唔抵,仲話唔俾機會人,又點知麥包唔係男主角材料,難怪有料演員,走得都走晒啦。
|