|
「中國3D數碼娛樂四周年晚宴暨第一屆魚涌船塢里電影豬肉獎分獎典禮」早前舉行，出席藝人有鄭欣宜、張智霖、袁詠儀、莊思敏、周秀娜、王宗堯、張建聲、何浩文、Jeana等，個個扭盡六壬Cosplay周星馳電影中經典角色，扮得似模似樣之餘，仲鬼咁好笑！
當中以鄭欣宜完美複製《家有囍事》中張曼玉飾演何里玉扮麥當娜造型最搶鏡同搞笑，連粒都畫埋犀利。而莊思敏扮《功夫》面包租婆元秋，同雨僑扮《賭聖》入面吳君如版綺夢都相當出色，連佢自己出場都忍唔住笑，真係令呢個晚宴生色不少呀。
當然，中國3D數碼娛樂有限公司一哥張智霖亦唔可以忽視！佢帶埋《國產凌凌漆》飾演阿琴老婆袁詠儀出席，仲自掏荷包拎6位數出抽現金獎，不過袁詠儀似乎唔預要見傳媒，所以匆匆影張合照，就入晚宴場地喇。
（詳細內容，請訂閱 e-Magazine）
|
