南華傳媒資訊網   訂閱雜誌  e-Magazine
3週刊 Facebook 專頁
   會員名稱: 密碼:
一週娛聞 娛樂熱料 好姨講場 星光大道 名人專訪 環球片場 Lisa味道 Family Food JESSICA
Fashion & Beauty
 
3週刊   第 859 期 逾期

留星語 關淑怡的金鐘罩

協力統籌:Michelle 撰文: 張瑞瑜 攝影: 林漢基 美術: 美術組 髮型:Calvin@M.i salon

化妝: Wendy@W for Wendy 場地提供:OVO Studio

金鐘罩,刀槍不入;

關淑怡瘦弱,但不懦弱,面對連綿不絕的負面新聞:玩失蹤、嗌自殺、情緒病、煙鏟從來沒有急著澄清、挽回名聲,擺出來的卻是「打不死」的姿態,強悍,倔強,冷酷,「當雜誌淨係要你一幅相,Captions可以任寫,咁我覺得解釋已經冇用。」

時勢造英雄,入行25個年頭的關淑怡,是九十年代叱風雲的寶麗金「一姐」,縱使經歷暫別樂壇再復出,工作量、收入遜於昨日,天后永遠是天后;然而久歷人情冷暖、未婚產子,令關淑怡的人生添上神秘面紗、外界愈想揭開,她就愈要保守看顧;謎一般的情路,披上堅固無比的金鐘罩,看得見她的面容,卻休想從關淑怡口中得到任何答案,甚至啟示。

三十多分鐘的訪問內容中,最明確的回應是:曾志偉絕非孩子的爸爸!

提到關淑怡,不其然想起「寶麗金」,關淑怡就是寶麗金的代表,其時的她紅透半邊天,哀怨柔弱帶著萬分情感的聲線,縈迴於耳,彷彿帶著人們走進其「繾綣星光下」,想跟她來個「戀一世的愛」。

你或許不知,關淑怡早於1986年便參加新秀歌唱大賽,三甲不入後返回美國修讀時裝設計,當上時裝設計師,兩年後再參加日本第五屆「Marine Blue音樂節」歌唱大賽獲得冠軍,才簽約日本唱片公司及香港寶麗金唱片公司出道,勇闖港日兩地樂壇。

九十年代的關淑怡,在陽光女孩黎瑞恩及純情玉女周慧敏當中突圍而出,她的前衛叛逆成了專屬形象,情歌感人至深、快歌不羈高傲,歌藝登峰造極,至2002年短暫退出,當上未婚媽媽。

關淑怡的兒子關浚賢,據報導指,今年14歲,為了私隱,她近十年也沒有向傳媒更新孩子的資訊,你問她:兒子上中學了嗎?她會說:自己諗啦!正是因為當上了未婚媽媽,令關淑怡蒙上外界不絕的揣測與誤解,她從不解釋闡明,對於某些報導,仍是耿耿於懷,尤其當記者把曾志偉當成兒子的爸爸時

曾志偉

「曾志偉係我Uncle,時做《娛樂插班生》時識,唔係淨係佢,我同阿倫伯(譚詠麟)都好熟,我同一間公司嘛,寶記(寶麗金)時候成日有gathering!呢樣係記者寫出,你信咩?我同志偉都呆,其實時係俾記者影到志偉我架車度,就話我同『居』,無中生有,你係我,會唔會答佢?無端端講埋我個仔!我都有問番記者點解會咁寫,冇人知點解;我一路都講,呢樣冇得傳冇得講,咁佢連宗教人士都講埋話,咁我仲可以點?」

「我覺得某記者係好乞人憎,不過其實大家都係做,我對記者唔會有唔好感覺,但係佢有時偷影角度真係好有問題。你問我入行25年有咩感慨?我會話甜酸苦辣都有,有得亦有失,但我覺得做人唔需要睇得失睇得咁重,行得25年都唔係短時間,高高低低一定有,人路唔一定全部平坦嘛,最down時候咪係記者圍住我問曾志偉係咪我個仔個老竇囉!」關淑怡罕有地自嘲,玩似是而非,玩耐人尋味。

音樂人

關淑怡熱愛音樂,自90年代初期加入樂壇至今,只演出過劇集《我愛玫瑰園》,她自言是「非常音樂人」,「我做戲唔叻,所以我從來唔夠膽諗拍戲呢樣。」因此她多年來醉心歌唱事業,參與過作曲填詞,並將於下月23日假紅館舉行「The Best Of Shirley Kwan Live演唱會」,闊別三年後再以歌會友,「個唱開會我都有參與,我覺得幾好玩,成個流程都會傾;我唔會好似2006年演唱會咁唱好多歌,今次大家識經典歌我會唱,但係一比較後期『關淑怡』都希望有囉。我覺得2009年隻《Shirley’s Era》係幾經典,因為佢10隻歌都plug晒,起碼有6隻係No.1 Song,時隻碟應該係自己最好狀態時候,對於歌曲方面理念同靈感係最強,時歌都最接近自己夢想,好好聽!」

關淑怡自言是個靜態、不愛說話的人,但一講到音樂,便判若兩人、滔滔不絕,「我際遇呢行都算Ok,好幸運,因為我做製作遇到人個個都真係有自己獨特一面,同埋係叻;同我合作人,好似軒仔呀(張敬軒),佢聲線獨特,有ideas;Juno啦(麥浚龍),幾有Thinking,仲有陳輝陽啦,全部都係好好監製。我覺得作為歌手,咩類型歌都要試,唔可以框住自己想唱乜唔唱乜。」

是非圈

因此,關淑怡跟幕後音樂人也較熟絡,「講緊都係做媽媽之前事,做媽咪之後只係得屋企、同事,我根本係深閨,時狗仔隊係咁跟蹤我,我心諗:『你追啦,時間,你根本唔會影到任何。』我其實比較靜,好鬼婆性格,唔似大部分香港人鍾意行街睇戲,我自己好少,呢個係性格問題。」

關淑怡我行我素,甚至被稱為「怪行天后」,對於外界指她有情緒病、玩失蹤等,關淑怡從不動怒、不反駁,僅說:「我邊有失過蹤?佢搵唔到我就話我失蹤,我搵佢又唔覆機,其實我見人係有限,我唔蒲唔應酬。人成日話我執著,執著個係咪佢呢?成日淨係問一樣,觀點與角度得一個!點解我唔會澄清好多呢?因為佢都有個定論度囉,我使乜澄清,佢唔會聽到我講乜,你覺得係乜咪乜囉,娛樂圈係是非圈,人鍾意誤解我就誤解,我唔使講咁多,如果唔知道係誤解,我都唔會解釋得到,當雜誌淨係要我一幅相,Captions可以任寫,咁我覺得解釋已經冇用,我家由得佢喇。」

懂放下

對於人生,關淑怡彷如看破紅塵,答來淡然:「每個人生都有唔同階段,只可以計劃,但係咪一定跟你個計劃去呢,又唔一定,有好多人算不如天算,把握得到咪把握住,有係要放,冇得樣樣都捉住。」正如結婚找伴侶,關淑怡也早早放下,沒有任何計劃或期望,「呢樣冇得諗喎,我不嬲唔使工作就同屋企人相處,好簡單,冇話特別諗結婚,我諗我呢個年紀歲數應該唔會喇;搵個伴?我呢個年紀歲數係好懂得呢樣(愛情)係咩一回事,呢樣唔係諗就有,何況我根本唔會諗!」

人生走過了49年,飽歷情感的喜與痛,沒有希望,總比被捧到上天,卻得不償失,關淑怡的冷漠,也是無可厚非。

後記:冷靜與熱情之間

跟關淑怡做訪問,說實話,休想從她嘴巴聽到半點秘密與真相。

她,冷靜得讓人有點恐懼,提及獨力撫養的兒子卻又難掩母愛,散發一絲間的熱情:「演唱會唔會叫個仔上台喇,或者戴住個Mask(面具)先出,哈哈!唔會啦,應該俾番少少空間佢,佢都有權選擇嘛;佢又唔想入行喎,佢鬼仔性格,邊識呢,佢算係乖仔,完全唔係百厭隻,好Ok呀!」

三十多分鐘的訪問內容中,慶幸關淑怡有這幾十秒的率真笑容。

 

   3週刊   第 859 期   更多精彩內容
衫品味
Harrylam 時尚造型師及美術指導。工作範疇包括藝人、品牌廣告及雜誌封面。合作藝人有甄子丹、周秀娜、周柏豪、倪妮、湯唯等。 相信有品味的造型及培養個人風格比追 ...........
留星語: 關淑怡的金鐘罩
協力統籌:Michelle 撰文: 張瑞瑜 攝影: 林漢基 美術: 美術組 髮型:Calvin@M.i salon 化妝: Wendy@W for Wendy 場地提供:OVO Studio 金鐘罩,刀槍不入 ...........

免費頻道



 
關於我們 | 私隱聲明 | 豁免條款 | 聯絡我們 | 職位空缺
Copyright © 2018 South China Media Limited All Rights Reserved 版權所有 不得轉載